मेचीनगर । नकलबन्दा स्पोर्टिङ क्लबको आयोजनामा शुरु भएको नगरस्तरीय नकआउट फुटबल प्रतियोगिताको उद्घाटन खेलमा दिपज्योति फुटबल क्लबले विजयी शुरुवात गरेको छ । रातेखाल युवा क्लबलाई १ विरुद्ध ३ गोल गर्दै डिएफसीले सहज जीत हात पारेको हो ।
खेलको १२ औँ मिनेटमा डिएफसीका प्रदिप राईले गोल गर्दै टिमलाई अग्रता दिलाए । सन्तोष तामाङको पासलाई सदुपयोग गर्दै प्रदिपले गोललाई जाली चुमाएका थिए । त्यसैगरी, डिएफसीका लागि खेलको ३३ औँ मिनेटमा जर्सी नम्बर १७ का युजेश पधानले गोल गर्दै टिमको अग्रता दोब्बर बनाए । १ मिनेट लगत्तै रातेखालका लागि जर्सी नम्बर ७ का अनिश दनुवारले गोल गर्दै टिमलाई लयमा फर्काउने प्रयास गरे पनि सफल हुन सकेन ।
डिएफसीका लागि खेलको ५८ औँ मिनेटमा छिरिङ तामाङले गोल गर्दै आफ्‌नो टिमको जीत सुनिश्चित गराए । रातेखालले खेलमा फर्किने प्रयास गरेपनि गोल स्कोर गर्न नसक्दा पराजित हुन पुग्यो । खेलको म्यान अफ दि म्याच डिएफसीका युजेश प्रधान घोषित भए । उनले नगद १ हजारसहित टूफी प्राप्त गरे ।
मेचीनगर(५ स्थित मेची आधारभूत विद्यालयको खेल मैदानमा सञ्चालन भइरहेको फुटबल प्रतियोगिता फागुन १७ गतेसम्म सञ्चालन हुनेछ । प्रतियोगिताको दोश्रो खेल काँकरभिट्टा फुटबल टेूनिङ सेन्टर र चन्द्रगढी फुटबल क्लबबीच हुने आयोजकले जनाएको छ । प्रतियोगितामा १० वटा टिमको सहभागिता रहनेछ भने प्रतियोगिताको विजेता र उपविजेताले क्रमशः नगद ५० हजार र ३० हजारसहित टूफी, मेडल र प्रमाण पत्र प्राप्त गर्नेछन्‌ ।
प्रतियोगिताको प्रथम पुरस्कार स्वर्गीय कार्गिल विजयवीर सहिद सुरेश क्षेत्रीको परिवारबाट प्राप्त भएको छ भने दोश्रो पुरस्कार स्व. टंक बहादुर देवकोटाको स्मृतिमा देवकोटा परिवारबाट प्राप्त भएको छ । प्रतियोगिताको प्रायोजकमा नकलबन्दा बचत तथा ऋण सहकारी संस्था लि. रहेको छ भने सहयोगी संस्थाहरुमा गंगा मेमोरियल इङ्लिस स्कुल र मेची आधारभूत विद्यालय रहेका छन्‌ ।
प्रतियोगिता अन्तर्गत विभिन्न विधामा समेत खेलाडीहरुलाई अवार्ड प्रदान गरिनेछ । प्रत्येक खेलका म्यान अफ द म्याचलाई नगद १ हजार, उत्कृष्ट गोलकिपरलाई ३ हजार १ सय, प्लेयर अफ द टुनामेन्टलाई २ हजार १ सय र सर्वाधिक गोलकर्तालाई २ हजार १ सयसँगै मेडल र प्रमाण पत्र प्रदान गरिने आयोजकले जानकारी दिएको छ ।
उद्घाटन कार्यक्रममा मेचीनगर ५ का वडा अध्यक्ष कनकबहादुर कार्कीको प्रमुख आतिथ्यता रहेको थियो । वर्गीय कार्गिल विजयवीर सहिद सुरेश क्षेत्रीका दाजु नेत्र क्षेत्री, नकलबन्दा बचत तथा ऋण सहकारी संस्थाका अध्यक्ष केशरप्रसाद तिम्सिना, समाजसेवी होमराज गुरुङले शुभकामना मन्तव्य राखेको थिए ।
सल्लाहकार संयोजक पर्शुराम पराजुलीले स्वागत गरेको कार्यक्रमको सञ्चालन सचिव सुरज तामाङले गरेका थिए । कार्यक्रमको उद्घाटन नृत्य गंगा ममोरियल इङ्लिस स्कुल र मेची आधारभूत विद्यालयका विद्यार्थीले प्रस्तुत गरेका थिए ।