काठमाडौँ —देशका जनता अहिले राजनीतिक दलहरूबाट दिक्क भइसकेका छन्। जसको उदाहरण आज तीनकुनेमा राजाबादीहरुले गरको पर्दर्शनले देखन सकिन्छ ।

चुनावका समयमा देखाइने ठूलो आशा र वाचा चुनावपछि क्रमशः तुहिदै गएको अनुभूति जनताले गर्दै आएका छन्। विकास, समृद्धि, रोजगारी र स्थायित्वका नारा दिने नेताहरू चुनाव जितेपछि आफ्नै स्वार्थमा केन्द्रित हुने प्रवृत्तिले जनतामा गहिरो असन्तोष जन्माएको छ।

नेपालका प्रमुख राजनीतिक दलहरू पटक–पटक सरकारमा पुगे पनि आम नागरिकको जीवनस्तरमा खासै सुधार ल्याउन नसक्दा जनतामा विश्वासको संकट उत्पन्न भएको छ। भ्रष्टाचार, ढिलासुस्ती, असक्षमता र कुशासनका कारण देशले विकासको गतिमा अघि बढ्न सकिरहेको छैन।

सत्तामा पुगेका नेताहरू आफ्ना कार्यकर्तालाई मात्रै फाइदा पुर्‍याउने, शक्तिको दुरुपयोग गर्ने तथा राष्ट्रिय हितभन्दा व्यक्तिगत लाभलाई प्राथमिकता दिने प्रवृत्तिले आम नागरिकलाई राजनीतिप्रति उदासीन बनाएको छ। अब जनता यस्ता राजनीतिक दलहरूप्रति ‘बस्! अब धेरै भयो’ भन्ने अवस्थामा पुगेका छन्। उनीहरूलाई अब कार्यकुशल, इमानदार र जनताप्रति उत्तरदायी नेतृत्व चाहिएको छ।

यदि राजनीतिक दलहरूले आफ्ना नीति र कार्यशैलीमा सुधार नगरे, जनताको समस्यालाई गम्भीरतापूर्वक सम्बोधन नगरे, अबको दिनमा जनताले नयाँ राजनीतिक विकल्प खोज्ने सम्भावना बलियो बन्दै गएको विज्ञ हरु बताउँछन् ।