पुस ३, २०८०
पुस ३, २०८०
पुस ३, २०८०
भारतको संसदमा एकैदिन ७८ सांसद निलम्बित
-
मेचीप्रेस डेस्क / 55 years
- October 22, 2024
- 0
नयाँ दिल्ली । भारतको लोकसभा र राज्यसभा गरी ७८ जना सांसद निलम्बित भएका छन्।
भारतीय संसदमा भएको सुरक्षा कमजोरी प्रकरणमा लगातार संसद अवरोध हुँदै आएको छ। केही दिनअघि संसदभित्रै ‘कलर स्मोग’ प्रदर्शन गरिएको थियो।
सोही विषयमा भइरहेको बहसका क्रममा लोकसभा स्पिकर (सभामुख) ओम बिडलाले ३३ जना विपक्षी सांसदलाई निलम्बन गरेका थिए। जसमा अधीर रञ्जन चौधरीसहित कांग्रेसका ११ सांसद छन्। त्यस्तै, तृणमूल कांग्रेसका ९, डीएमकेका ९ र ४ जना अन्य दलका छन्।
त्यस्तै राज्यसभाका सभापति जगदीप धनखडले विपक्षी दलका ४५ जना सांसदलाई निलम्बन गरेका थिए। यसअघि पनि लोकसभाका १४ जना सांसदलाई निलम्बन गरिएको थियो।
सभामुख बिडलाले संसदमा भएको घटनालाई राजनीतिक बनाउनु दुर्भाग्य रहेको बताएका थिए।
यसैबीच कांग्रेस अध्यक्ष मल्लिकार्जुन खड्गेले सांसदलाई निलम्बन गर्नु लोकतन्त्रमाथि प्रहार भएको बताएका छन्। उनले प्रधानमन्त्री नरेन्द्र मोदी नेतृत्वको सरकारले लोकतन्त्रमाथि आक्रमण गरेको आरोप लगाए।
