मंसिर २५, २०८०
मंसिर २५, २०८०
मंसिर २५, २०८०
करारका कर्मचारीहरूलाई समेत स्थायी कर्मचारी सरह सुविधा पाउने कोसी निजामती सेवा ऐन २०७९ पारित
-
मेचीप्रेस डेस्क / 55 years
- November 28, 2024
- 0
बिराटनगर- कोसी प्रदेश प्रदेश सभाले प्रदेश निजामती सेवा ऐन २०७९ पहिलो संशोधन ऐन २०८० आज सर्वसम्मत रुपले पारित गरेको छ ।
सो ऐनमा प्रदेशमा समायोजन भएर आएका र चार वर्षीय कार्यकालको समयअवघि पूरा गरेका चौथो तहका कर्मचारीहरूलाई एक पटकका लागि ५ औं तहमा स्वतः बढुवा हुने व्यवस्था गरेको छ।यसप्रकारबाट समायोजन भएका कर्मचारीहरूलाई पहिले आएकालाई पहिले र पछि आएकालाई पछि बढुवामा प्राथमिकतासमेत तोकिएको छ ।
चौथो तह भन्दा माथिका प्रदेशमा समायोजन भएर आएका कर्मचारीहरूलाई एक तह बढुवाका लागि थप क्षैशिक योग्यता आबश्यक नपर्ने ऐनले व्यवस्था गरेको छ ।
प्रदेशका करारका कर्मचारीहरूलाई समेत स्थायी कर्मचारी सरह पर्व खर्च, भत्ता, पोशाक खर्च, महंगी भत्ता र विदाको सुविधा पाउने व्यवस्था ऐनले गरेको छ ।
