झापा । झापाको गौरीगञ्ज वडा नं १ स्थित बनियानी खोलाले बगाउँदा १३ वर्षीय बालक बेपता भएका छन् ।

बेपता हुनेमा वडा नं १ महाभारा बस्ने मेदे बिकका १३ बर्षिय छोरा मिलन बिक रहेको र उनको खोजी कार्य जारी रहेको प्रहरीले जनाएको छ।

हिजो साँझ ६ बजेतिर उनी साथीहरुसँग फुटबल खेली खोलामा पौडी खेल्न गएको र सोही क्रममा बेपत्ता भएको  हाे।

हाल उनको जनपद प्रहरी, सशस्त्र प्रहरी तथा स्थानीयको सहयोगमा बालकको खोजी कार्य जारी रहेकोमा हालसम्म फेला नपरेको जिल्ला प्रहरी कार्यालय झापाले जनाएको छ ।