मेचीनगर- लागु औषध  गाँजा काराेबार भईरहेकाे  भन्ने गाेष्य सूचनाकाे अधारमा  दुई जनालाई धुलाबारी प्रहरीले नियन्त्रणमा लिएकाे छ।

ईलाका प्रहरी कार्यालय धुलाबारीबाट प्रहरी निरीक्षक रोहित कुमार शर्मा बढईको कमाण्डमा खटीएको टोलिले जिल्ला मकवानपुर कैलाश गाउँपालिका वडा नम्बर- ४ बस्ने अन्दाजि बर्ष २७ को पासाङ जिम्बा र  मेचीनगर नगरपालिका वडा नम्बर-१० खयरडागी   बस्ने अन्दाजि बर्ष ५६ को शम्भु राजबंशीलाई लागु औषध गाँजा दिदै गरेको अवस्थामा प्रकाउ  गरिएकाे  हाे।

सुराकीकाे आधारमा चेक जाँच गर्दा पासाङ जिम्बाको साथ बाट मोवाईल फोन थान १,लागु औषध गाँजा ५ किलो ५०० ग्राम  र शम्भु राजबंशीको घर बाट लागु औषध गाँजा १ किलो १२० ग्राम,नगद रु ७०००,मोवाईल फोन सेट थान १ र  राजबंशीले प्रयोग गरेको मे.८प.८३६५ नम्बरको मोटरसाईकल लगायत अन्य सामानपनि  बरामद गरिएकाे छ।