चैत्र ५, २०८०
चैत्र ५, २०८०
चैत्र ५, २०८०
वैदेशिक रोजगारीमा पठाइदिने भन्दै ठगी गरेको आरोपमा एकजना पक्राउ
-
मेचीप्रेस डेस्क / 55 years
- October 23, 2024
- 0
मेचीनगर-वैदेशिक रोजगारीका लागि न्युजिल्यान्ड पठाइदिने भन्दै ठगी गरेको आरोपमा एकजना पक्राउ परेका छन् ।प्रहरीले झापाको मेचीनगर नगरपालिका–१० घर भई हाल काठमाडौँ मैतीदेवी बस्ने २७ वर्षीय समित भट्टराईलाई पक्राउ गरेको हो ।
समितले पदमबहादुर बुढालाई ‘वैदेशिक रोजगारीको लागि न्युजिल्यान्ड पठाइदिन्छु, त्यसको लागि १४ लाख रुपैयाँ लाग्छ, न्युजिल्यान्ड पुगेपछि प्रतिष्ठित कम्पनीमा काम लगाइदिन्छु, मासिक २ लाख ५० हजार रुपैयाँ तलब हुन्छ’, भनी विश्वास दिलाई प्रलोभनमा पारेको प्रहरीले जनाएको छ ।
पीडितबाट पटकपटक गरी जम्मा ४ लाख रुपैयाँ रकम लिई सम्पर्कविहीन भएका उनलाई काठमाडौँ उपत्यका अपराध अनुन्धान कार्यालयबाट खटिएको प्रहरी टोलीले चैत २ गते मीनभवनबाट पक्राउ गरेको हो ।
