इन्डियन आइल सिजन १४ बाट बाहिरिएकी गायिका मेनुका पौडेल नेपाल आईपुगिन्

मेचीप्रेस डेस्क / 55 years

November 28, 2024

मेचीनगर माघ २२– गायन रियालिटी शो इन्डियन आइल सिजन १४ बाट बाहिरिएकी गायिका मेनुका पौडेल नेपाल आइपुगेकी छन्।

आइतबारको एपिसोडमा शोबाट बाहिरिएको घोषणा भएलगत्तै उनी सोमबार आफ्नो गृहनगर झापा आएकी हुन्।

गायिका पौडेललाई आज झापामा अभिनन्दन गर्ने कार्यक्रम रहेको छ। जसका लागि उनी यतिबेला झापाको मेची पुलमा आइपुगेकी छन्।

उनलाई त्यहाँ प्रदेशसभा सदस्य छवि चुडालले स्वागत गरे।

पाैडेललाई स्वागत गर्न सो ठाउँमा संगीतकर्मी तथा शुभचिन्तकहरूको बाक्लो उपस्थिति रहेको छ ।

रियालिटी शोमार्फत् नेपालीलाई विश्वसामु चिनाएको भन्दै बिर्तामोडमा पनि रहेको सप्तक संगीत विद्यालयले आज उनलाई अभिनन्दन एवम् सम्मान गर्न लागेकाे हाे।

पाैडेल विसं २०५५ सालमा झापाको हल्दीवारी- ४ मा जन्मेकी थिइन्।