पुस २६, २०८०
पुस २६, २०८०
पुस २६, २०८०
माध्यमिक शिक्षा परीक्षा (एसइइ) चैत पहिलो हप्ता सञ्चालन हुने
-
मेचीप्रेस डेस्क / 55 years
- November 28, 2024
- 0
यो वर्षको माध्यमिक शिक्षा परीक्षा (एसइइ) चैत पहिलो हप्ता सञ्चालन हुने भएको छ । बोर्डका अध्यक्ष महाश्रम शर्माले वार्षिक क्यालेन्डरअनुसार नै चैतको पहिलो हप्ता परीक्षा हुने बताए ।
यो वर्षको एसइइ क्यालेन्डरअनुसार माघको पहिलो हप्ता रुटिन निकालिने उनले जानकारी दिए । संसदमा छलफलको क्रममा रहेको विद्यालय शिक्षा विधेयकमा भएको एसइइसम्बन्धी व्यवस्था अहिले लागु नहुने भन्दै शर्माले अन्योलमा नपर्न आग्रह गरे ।
यसवर्षदेखि सबै विषयमा ३५ प्रतिशत ल्याउनैपर्ने प्रावधान राखिएको परीक्षा नियन्त्रक नन्दलाल पौडेलले बताए ।
यो वर्ष नयाँ पाठ्यक्रम अनुसार परीक्षा हुने र केही विषयको पुरानोअनुसार हुने उनले बताए । त्यस्तै, नन ग्रेडिङ लागु हुने र सबै विषयमा ३५ प्रतिशत ल्याउनैपर्ने उनले जानकारी दिए ।
यसअघि ग्रेडिङ सिस्टम थियो । अब ग्रेडिङ नहुने भएको छ ।
अहिलेसम्म एसइइका लागि रजिस्ट्रेसन फारम भर्ने विद्यार्थीको संख्या चार लाख ८९ हजार ४४४ जना रहेको कार्यालयले जनाएको छ ।
