जापान एयरलाइन्सको विमानमा मंगलबार साँझ टोकियोको हानेडा विमानस्थलको धावनमार्गमा अवतरण गर्ने क्रममा आगलागी भएको छ।

स्थानीय सञ्चारमाध्यमबाट सार्वजनिक भएका भिडियोमा विमानको झ्यालबाट र त्यसको मुनि आगो निस्किरहेको देखिएको छ।

विमान अवतरण गरेपछि जापान कोस्ट गार्डको विमानसँग ठोक्किएको थियो। सार्वजनिक प्रशारणकर्ता एनएचकेले जापान एयरलाइन्सलाई उद्धृत गर्दै उक्त जानकारी दिएको छ। फिक्स्ड-विंग कोस्ट गार्ड विमानको चालक दलका एक सदस्य सो विमानबाट बाहिर निस्किन सफल भएपनि अन्य पाँच जना भने सम्पर्कविहिन रहेको बताइएको छ ।

दमकलले आगो निभाउने काम गरिरहेको बताइएको छ।

विमानमा रहेका धेरै जसो यात्रु हरुलाई र चालक दलका सदस्यलाई बाहिर निकालिएको एयरलाइन्सलाई उद्धृत गर्दै एनएचकेले जनाएको छ।