माघ १२, २०८०
माघ १२, २०८०
माघ १२, २०८०
कांग्रेसको ७८ औं स्थापना दिवस आज, मुलुकभर विविध कार्यक्रम गरी मनाउँदै
-
मेचीप्रेस डेस्क / 55 years
- October 22, 2024
- 0
काठमाडौं, माघ १२ । मुलुककै सबै भन्दा पुरानो दल नेपाली कांग्रेसले आज आफ्नो ७८ औँ स्थापना दिवस मनाउँदै छ ।
नेपाली राष्ट्रिय कांग्रेसको पहिलो अधिवेशन भएको मिति २००३ माघ १२ लाई आधार मानेर कांग्रेसले हरेक वर्ष माघ १२ गते स्थापना दिवस मनाउँदै आएको छ ।
स्थापना दिवसको सन्दर्भमा केन्द्रीय कार्यालयसहित सातवटै प्रदेश र जिल्लाहरूमा विभिन्न कार्यक्रम गरी स्थापना दिवस मनाउने कांग्रेसले बताएको छ ।
पार्टीका मुख्यसचिव कृष्णप्रसाद पौडेलका अनुसार आज दिउँसो २ बजे पार्टी केन्द्रीय कार्यालयमा सभापति शेरबहादुर देउवा समेतको उपस्थितिमा श्रद्धा, सङ्कल्प र सम्मान कार्यक्रम राखिएको छ ।
स्थापना दिवसकै सन्दर्भमा कांग्रेसले देशभर ७७ वटै जिल्लामा केन्द्रीय प्रतिनिधि खटाएको छ ।
