झापा । नेपाली चलचित्र  ‘होस्टेल ३’ फागुन २३ गतेदेखि प्रदर्शनमा आउने भएको छ । निर्माण युनिटले चलचित्रको एक पोष्टरसहित प्रदर्शन मिति घोषण गरेको छ् ।

चलचित्रका निर्देशक सशान कँडेलका अनुसार चलचित्र स्वदेश सहित विदेशमा पनि यही मितिमा प्रदर्शन गर्ने तयारी भइरहेको कँडेलले बताए  ।

पोस्टरमा चार मुख्य पात्रहरूलाई रमाइलो मुद्रामा देखाइएको छ, जसले चलचित्र हास्यरसमा आधारित रहेको सङ्केत देखिंन्छ । पोस्टरमा चलचित्रका मुख्य पात्रहरू आशिष घिमिरे, पारस बम (कुलब्वाई), रिहान गिरि, र पदम तामाङलाई बास्केटबल कोर्टमा रमाइलो गरिरहेको देखाइएको छ।

चलचित्रमा क्याम्पस जीवनका सङ्घर्ष, मित्रता र रमाइलो क्षणहरूको कथामा बनेको हो । यस अघि प्रदर्शन गरिएका ‘होस्टेल’ र ‘होस्टेल रिटन्र्स’ को सफलतापछि होस्टेल ३’  निर्माण गरिएको हो ।

सशान कँडेलको निर्देशन रहेको फिल्म सम्मान इन्टरटेनमेन्टले आरोन कन फिल्मस्सँगको सहकार्यमा निर्माण गरेको हो भने स्क्रिप्ट माधव शर्माले लेखेका छन् ।   निर्माताहरू कर्ण कार्की र गोविन्द अधिकारी, सह–निर्माता सुरेश कँडेल तथा कार्यकारी निर्माता शङ्कर कोइराला हुन् ।